देउवाले लगाए ओलीलाई गम्भीर आरोप, भारतमा लम्पसारवादी चरित्र देखाएको प्रमाण भेट्यौँ

2018-04-16 19:40

हेटौंडा । पूर्व प्रधानमन्त्री एवं नेपाली कांग्रेसका सभापति शेरबहादुर देउवाले प्रधानमन्त्री केपी ओली कहिले पनि राष्ट्रवादी नभएको गम्भीर आरोप लगाएका छन् । ओली राष्ट्र र राष्ट्रियताप्रति चिन्तीत नरहेको भन्दै देउवाले ओलीको राष्ट्रवाद प्रधानमन्त्रीका रुपमा गरेको भारत भ्रमणले प्रष्ट भएको दावी गरे । उनले नेपाली भूमिमा रहँदा मात्र भारतीय रबैयाको बिरोध गर्नै ओलीले भारतमै पुगेर लम्पसारवादी चरित्र देखाएको प्रमाण भेटिएको दावी गरे ।

नेपाल र नेपालीका लागि राष्ट्रवादी शक्ति कांग्रेसमात्र भएको उनको भनाई छ । सोमबार हेटौंडामा आयोजित कार्यक्रममा देउवाले ओली सरकार अधिनायकवादतर्फ उन्मुख भएको बताए । सरकारले मनोमानी ढंगले काम गरेको तथा प्रधानमन्त्री ओली स्वयंम महत्वपूर्ण विभाग आफू पायक पार्दै व्यक्तिलाई बलियो बनाउने काममा लागेको उनले बताए ।
कांग्रेस सभापति देउवाले कांग्रेस अनुशासनहीन पार्टी बन्दै गएको बताए । पार्टीभित्र ‘छाडातान्त्र’ हाबी भएको उनले बताए । कांग्रेसमा खुलेआम गुटबन्दी भएको कारण चुनावमा पराजय बेहोरेको भन्दै उनले भने, ‘जबसम्म खुलेआम अन्तर्घात गर्नेलाई कारबाही हुँदैन, तबसम्म पार्टी अघि बढ्दैन ।’ उनले अन्तर्घात र गुटबन्दी गर्नेलाई कारवाही गरेरै छाड्ने बताए । पार्टीको नीति विपरित रहेकालाई कारवाही गरेर आउँदो चार बर्षमा पार्टीलाई पुरानै हैसिएतमा पुर्‍याउने उनको दावी थियो ।

    Comment Here!


सम्बन्धित समाचार