चीनसँग लड्न नेपाललाई जसरीपनि हात लिने भारतीय सेनाध्यक्ष खुलासा

2018-01-13 18:56

काठमाडौं । भारतको स्थल सेनाध्यक्ष विपिन रावलते चीनसँग युद्ध गर्नको लागि भारतले आफ्ना छिमेकीहरुसँग राम्रो सम्बन्ध बढाउनुपर्ने जनाएका छन् । नयाँ दिल्लीमा भएको एक कार्यक्रममा बोल्दै सेनाध्यक्ष रावलले चीन र भारतबीच युद्ध गरेर मात्रै हारजीत नहुने बताएका छन् । उनले सेनाको हिसावले भारत र चीन दुबैको शक्ति बराबर रहेको भन्दै विश्व शक्तिको रुपमा उदाएका यी दुई मुलुकबीच सेना र युद्ध मात्रै भन्दापनि कूटनीतिक रुपमा पनि भारतले जित्नु पर्ने जनाएका छन् ।

चीनसँग सबै हिसावले जित्नको लागि भारतले सबैभन्दा पहिले त आफ्ना छिमेकीहरुसँगको सम्बन्धलाई सुधार गर्नुपर्ने जनाएका छन् । उनले अन्यत्र जस्तो त्यति धेरै समस्या ग्रस्त नभएको भएपनि देशको उत्तरी सीमामा विकासका कामहरु र सैन्य उपस्थिती पनि बढाउनु पर्ने बताएका छन् । उनले नेपाल बंगलादेश लगायत छिमेकीहरुको नाम नै लिएर चीनसँग लडाईं नै गर्ने हो भने पनि यस्ता मुलुकहरुलाई भने भारतले हातमा लिनुपर्ने बताएका छन् ।

    Comment Here!


सम्बन्धित समाचार