आफैले खोले रहस्य : प्रधानमन्त्रीले यसकारण खुट्टा कमाएछन् प्रदेश प्रमुख र राजधानी तोक्न !

2018-01-12 20:01

धनगढी । प्रधानमन्त्री शेरबहादुर देउवाले प्रदेश प्रमुख तोक्ने र प्रदेशको अस्थायी राजधानी कहाँ बनाउने भन्ने विषय टुङ्गो लगाउन आफ्नो हिम्मत नभएको स्वीकार गरेका छन् । यो विषयलाई टुंगो लगाउन आफ्ना खुट्टा कामको उनको स्वीकार छ । उनले दलहरुबीच सहमति खोज्ने प्रयास गरिरहेको र सहमतिमा मात्र घोषणा गर्न सक्नेपनि स्पष्ट पारे । नेपाल प्रेस युनियन कैलालीले आज धनगढी विमानस्थलमा गरेको पत्रकार सम्मेलनमा प्रधानमन्त्री देउवाले भने, “सहमति खोज्ने प्रयास आफूले गरिरहेको छु तर सहमति जुट्ला जस्तो छैन ।”

उनले काठमाडौँ फर्केर आफूले यी विषयमा पुनःसहमति जुटाउन पहल गर्ने र सहमति जुट्न नसके सरकारले प्रदेश प्रमुख र अस्थायी राजधानी तोक्ने जानकारी दिए । प्रधानन्त्री देउवाले राष्ट्रियसभाको चुनाव गराएर मात्र सरकार छोड्नुपर्ने परिस्थितिका कारण आफ्नो नेतृत्वको सरकार छोड्नमा ढिलाइ भएको स्पष्ट पारे । उनले भने, “आफू जतिसक्दो चाँडो सरकार छोड्न तयार रहेको छु ।” नेपाली काँग्रेसका सभापतिसमेत रहेका देउवाले सरकारबाट बाहिरिएपछि काँग्रेसले रचनात्मक प्रतिपक्षको भूमिका निर्वाह गर्ने बताए । प्रधानमन्त्री देउवा, उपप्रधान तथा शिक्षामन्त्री गोपालमान श्रेष्ठ आज कञ्चनपुरतर्फ गएका छन् ।

    Comment Here!


सम्बन्धित समाचार